ತೋರಣ
ಎಂಕ್ಲೆನ ಕ್ರಮೊ ಎಂಕ್ಲೊ ಮಲ್ಪುನೆ
ಅವು ಗುರುಹಿರಿಯಕ್ಲೆಡ್ದ್ ದುಂಬು ಬತ್ತ್‌ನವೆ ಎಂಕ್ಲೆಗ್
ಏರಾ ಕಾಲೊಡ್ದು ಬತ್ತ್‌ನವು
ಇನಿ ಇತ್ತೆ ಮರಿಯಕ್ಲೆಡ್ದ್ ಮರಿಯಕ್ಲೆಗ್ ಎಂಕ್ಲ ಮಾಲ್ತೊಂದುಲ್ಲಯಿನೆ
ಕೋಡಿಡ್ದ್ ಒಂಜಿ ಕೋಡಿ
ಪೋಪುನೆ ದಾಯೆ ಪಂಡ ಉಂದು ಎಂಕ್ಲೆನ ಕ್ರಮ
ಚಾಕಿರಿದಕ್ಲೆನ ಕ್ರಮ
ಆ ಕ್ರಮ ಮಲ್ತ್‌ದ್ ದೈವೊಲು
ಕೋಡಿಯಡಿ ತೋರಣೊ ಒಪ್ಪಿಸದ್
ಅಡೆ ಪೋಪುನೆ
ಅವು ದಾಯೆ ಪಂಡ ದುಂಬುಡ್ದೆ ಇತ್ತ್‌ನವು
ಎಂಕ್ಲೆಗ್ ಚಾಕಿರಿ ಇತ್ತ್‌ನವು
ಗುರುಹಿರಿಯಕ್ಲ್ ಮಲ್ತ್‌ನವು
ಆ ತೋರಣ ಇನಿ ಮುಟ್ಟ ಎಂಕ್ಲೊ ಮರತ್ತಿಜ್ಯ
ದೈವೊಲೆನ್ ದುಂಬು ದಿಡ್ತ
ಅಂಚ ಎಂಕ್ಲ ದೈವೊಗುಲು ಬತ್ತ್‌ದ್
ಮುಲ್ಪ ತೋರಣ ಒಪ್ಪಿಸದ್
ಅಡೆ ವಿಷ್ಣು ಮೂರ್ತಿನ ಕಲ್ಲ್‌ದಾಡೆ್ ಪೋತು
ಅಲ್ಪ ದೈವತ ಆಸಿರ್ವಾದ ಅಕ್‌ಲ್ನ
ದನಿಕುಲೆನಕ್ಲೆನ ಕುಟುಂಬೊದಕ್ಲೆಗ್ ಲ ಎಂಕ್ಲ ಚಾಕಿದಕ್ಲೆಗ್‌ಲ
ಊರಿಡಿಯದಕ್ಲೆಗ್‌ಲ ದೈವದ ಆಸಿರ್ವಾದ
ಅಲ್ಪಡ್ದ್ ಎಂಕ್ಲೆಗ್ ತಿಕ್ಕುನ
ಆ ಆಸಿರ್ವಾದ ಎಂಕ್ಲೆಗ್ ವರ್ಸೊಡ್ದು ವರ್ಸೊಗುಲ
ಬೆಳಗಾವೊಂದು ಬರ್ಪುನತ್ತಂದೆ
ಕಡಿಮೆ ದಾಲ ಕೊರ್ತಿಜೆರ್
ಉಂದು ಇತ್ತೆ ಮುಲ್ಪ ತೋರಣ ಆವೊಡು
ಏಳ್ ಏಳ್ ಪದ್ನಾಲ್ ಸೂಣ ಆವೊಡು
ಅಯಿಟ್ ಮೂಜಿ ಕವನ
ಆ ಸೂಣೊಗು ಕವನ ಕಟ್ಟ್‌ದ್
ಕುಕ್ಕುದ ಇರೆ ಕಟ್ಟ್‌ದ್
ಬಗ್ಗತ್ತ್ ಅಯಿಕ್ ಕುಕ್ಕುದ ಇರೆ ನಡುಕ್ಕು
ಕಟ್ಟೆರೆ ಉಂಡು ದೊಂದ್ಯಂದ್ ದೊಂದ್ಯ
ಆ ಮಿತ್ತ್ ತೂಕ್‌ಡ್ನವು ದೊಂದ್ಯ್
ಅವು ಮುಲ್ಪ ಬತ್ತ್‌ದ್ ದೈವೊಗುಲು
ವಿಷ್ಣು ಮೂರ್ತಿ ಬೈನಾಡಿದೈವೊ,
ದೈವೊಲು ಮಾತ ದೈವೊಗುಲುಲ ಬತ್ತ್‌ದ್
ಈ ತೋರಣ ಉಲಯಿ ಬತ್ತ್‌ದ್
ತೋರಣ ಒಪ್ಪಿಸದ್ ಅಡೆ
ದೈವೊಗುಲೆನ ಬೂತಡ್ಕಗ್ ಪೋಪುನ
ಅವುಲು ಅಲ್ಪ ಒತ್ತೆಕೋಲಾಂಡ ಒತ್ತೆಕೋಲ
ಬೈಲ ಕೋಲಾಂಡ ಬೈಲ ಕೋಲ
ದೈವೊಗುಲೆನ .ಅಲ್ಪ ದೈವೊಗುಲೆನ ಆಸಿರ್ವಾದ
ಪೂರಾ ಕುಟುಂಬೊದಕ್ಲೆಗ್‌ಲ ,ಪಿದಯಿದಕ್ಲೆಗ್‌ಲ
ಪಿದಯಿದ ಮಾತೆರೆಗ್ಲ ಅಲ್ಪ ವಿಷ್ಣು ಮೂರ್ತಿನ ಆಸಿರ್ವಾದ.