ಕಂಬುಲ ಪಾಡ್ದನ

by ತನಿಯರು

ಹಿರಿಯಕ್ಲೆನ ಕಾರ್ ಪತ್ದ್ ಹಿರಿಯಕ್ಲೆನ ಒಂಜಿ ಪಾಡ್ದನ ಪನ್ಪೆ

ತುಳು ಸಾಹಿತ್ಯ ಕಂಬುಲ ಪಾಡ್ದನ

ಕಂಬ್ಳದ ಎರು ಕೊನಪುನ ಸ್ವಾಮಿ ಹಿರಿಯಕ್ಲೆನ್ ಕಾತೊಂದು ಬಲೆ ಸ್ವಾಮಿ

ನಮ್ಮೂರ ಕಂಬುಳದೇ ಓ ಮಾಯಿಲಲೊ ಲೂರಎರುಎಡುಕೊಂಡ್ಪೂನಗ

ನಮ್ಮೂರ ಕಂಬುಳದೇ ಓ ಮಾಯಿಲ ಇತ್ತೆಲ ಎರುಬರ್ಪುಂಡ್ ಯಾ.....

ಇತ್ತೆಲ ಏರು ಬನ್ನಗಾ ಓ ಮಾಯಿಲ ನಮ್ಮ ಬೊಳ್ಳೆ ಮೆಡ್ಲ್ ದೆಪ್ಪೊಡೇ

ಓ ಲೆ ಲೆಲ ಲೆ ಲೆ ಲೆ ಲ ಲಾ ಓ ಮಾಯಿಲ ಲೆ ಲೆಲ ಲೆ ಲೆ ಲ ಲಾ

ಓ ಉಲ್ಲಾಯ ಲೆತ್ತೆರ್ಂದೇ ಓ ಲೆಪ್ಪುಲು ಲೆತ್ತೆರ್ಂದೇ

ಓ ಮಾಯಿಲ ದಾಯ್ತ ಬೇಲೆಂದ್ ಕೆನ್ ಲಾಯಾ

ಓ ಲೆ ಲೆಲ ಲೆ ಲೆ ಲೆ ಲ ಲೊ ಓ ಮಾಯಿಲ ಲೆ ಲೆಲ ಲೆ ಲೆ ಲ ಲಾ

ಓ ದಾದೆಂದ್ ಕೆನ್ ಲಯಾ ಓ ಲೆಪ್ಪುಲೆ ದಾಯ್ತೆ‌ಗ್ ಲೆತ್ತಾರ್ ಯೇ

ನಮ್ಮೂರ ಕಂಬುಳದೇ ಓ ಮಾಯಿಲ ಇತ್ತೆಲ ಎರುಬರ್ಪುಂಡ್ ಯಾ.....

ಇತ್ತೆಲ ಏರು ಬನ್ನಗಾ ಓ ಮಾಯಿಲ ನಮ್ಮ ಬೊಳ್ಳನ ಪೊರ್ಲು ತೂವೊಡೆ

ಓ ತೋಜಿದ್ ತೋಟನೆಯಾ ಓ ಮಾಯಿಲ ದಯಿ ಕಂಗ್ ತೋಟೊಗುಲಾ

ಓ ದಯಿ ಕಂಗ್ ತೋಟೊಗುಲಾ ಓ ಮಾಯಿಲ ಬುಲೆವೊಂದ್ ಲುಂಡುಯಾ....

ಓ ಪಿಪಿಲಿ ಕತ್ತಿ ಪತ್ತೊನ್ ಲಾ ಓ ಮಾಯಿಲ ಪರಿಕಟೆ ಬಟ್ಟಿ ದೆತ್ತೊನ್ ಲಾ

ತೋಜಿದ್ ತೋಟೊಗ್ ಲಾ ಓ ಮಾಯಿಲ ಒ ದೈ ಪಂಡ್ದ್ ತೂಚೊನ್ಯಾ

ಓ ಐನ್ ಅರ್ಕೆಲ್ ಪಂತಿಲಾಯಾ ಓ ಮಾಯಿಲ ನಮ್ಮ ಬೊಳ್ಳಗ್ ಕೊಂಡು ಬರೊಡಾ

ಓಮುಗುರು ಪಂತಿಲಾಯಾ ಓ ಮಾಯಿಲ ಕೊಂಡುದ್ ಬರೊಡುಂದೇ

ಓ ಉಲ್ಲಾಯ ಪಂಡರ್ ಯಾ ಓ ಮಾಯಿಲಡ ಉಲ್ಲಾಯ ಪಂಡರ್ ಯಾ

ಓ ಪಿಪಿಲಿ ಕಟ್ಟಿ ಪತ್ತೊಂಡೆನಾ ಲೇ ಓ ಮಾಯಿಲ ಪರಿಕಟೆ ಬಟ್ಟಿ ದೆತ್ತೊನ್ ಲೇ

ದೆತ್ತೊಂದ್ ಪೊಪೆೇನಯಾ ಓ ಮಾಯಿಲ ದೈ ಪಂಡ್ದ್ ತೂಚೊಗ್ ಲಾ

ಓ ಐನ್ ಅರ್ಕೆಲ್ ಪಂತಿಲಾಯಾ ಓ ಮಾಯಿಲ ಬಿರೆಲ್‌ಡ್ ದಿದ್ದೊಂಡೆನಾ

ಬಿರೆಲ್‌ಡ್ ದಿದ್ದೊಂಡೆನಾ ಓ ಮಾಯಿಲ ಬಾರೆದ ಬಲ್ಲ್ ಒಯಿತೊಂಡೆನಾ

ಬಾರೆದ ಬಲ್ಲ್ ಒಯಿತೊಂಡೆನಾ ಓ ಮಾಯಿಲ ಐನ್ ಅರ್ಕೆಲ್ ಪಂತಿಲಾಯಾ

ಐನ್ ಅರ್ಕೆಲ್ ಪಂತಿಲಾಯೆ ಓ ಮಾಯಿಲೇ ಬಗ್ಗ್‌ದ್ ಕೋಯಿತೋಂಡೆನಾ

ಬಗ್ಗ್‌ದ್ ಒಯಿತೋನುಲೇ ಓ ಮಾಯಿಲೇ ಓ ಬಗ್ಗ್‌ದ್ ಬಿಗಿತೋಂಡೆನಾ

ಓ ಕೊಂಡುದ್ ಬರುವೆನಯಾ ಓ ಮಾಯಿಲ ಬೊಳ್ಳಗ್ ಪಾಡೊಂಡೆನಾ

ಬೊಳ್ಳಗ್ ಪಾಡೊಂಡೆನಾ ಓ ಮಾಯಿಲೇ ಮರಯಿಡರ್ಕಂಜಿ ಮೈತೊಂಡೆನಾ

ಮರಯಿಡರ್ಕಂಜಿ ಮೈತೊಂಡೆಲಾ ಓ ಮಾಯಿಲೇ ಪುಲ್ಲುಪಂತಿ ಕುಡುತೊಂಡೆನಾ

ಓ ನಮ್ಮ ಬೊಳ್ಳಗ್ ಪದ್ದೇಯಿಯಾವೊಡೇ ಓ ಮಾಯಿಲ ಓನಮ್ಮ ಬೊಳ್ಳಗ್ ಪದ್ದೇಯಿಯಾವೊಡು

ಒಯಿರಾಗ್ ಪೆದ್ದ್‌ದ್ ಪೊವೊಡುಯಾ ಓ ಮಾಯಿಲಾ ಬೊಳ್ಳದಕುಲು ಪಡ್ಡೆಯಿಲಾ

ಓ ಕೊಂಡುದು ಬರೋಡುಯಾ ಓ ಮಾಯಿಲಾ ಲೆ ಲೆಲ ಲೆ ಲೆ ಲ ಲಾ

ಓ ಲೆ ಲೆಲ ಲೆ ಲೆ ಲೆ ಲ ಲೊ ಓ ಮಾಯಿಲ ಲೆ ಲೆಲ ಲೆ ಲೆ ಲ ಲಾ

ಓ ನಮ್ಮ ಬೊಳ್ಳಗ್ ಪದ್ದೇಯಿಯಾವೊಡು ಓಈರಾದ್ ದಂಟಾದ್ ಪೊವೊಡುಂದ್

ಓ ಮುಂಡೊಡು ಮುಂಡಾಲೆಲು ಓ ಮಾಯಿಲಾ ಕೆಕ್ಕಿಲ್ ಡ್ ಗೆಜ್ಜೆ ಬಲ್ ಯಾ

ಓ ಕಾರ್‌ಗ್ ಸಂಕಲೆಲು ಓ ಮಾಯಿಲಾ ನಾಲಾಯಿದ ತುಂಡು ಬಲಾಯಾ

ಓ ಬಾರೆ ಪಟ್ಟೆ ಸೀರೇನಯಾ ಓ ಮಾಯಿಲಾ ಬೆರಿಕ್ ಲಾಯೆರ್ ಪಾಡೊಡಾಂಡೇ

ಓ ಲೆ ಲೆಲ ಲೆ ಲೆ ಲೆ ಲ ಲೊ ಓ ಮಾಯಿಲ ಲೆ ಲೆಲ ಲೆ ಲೆ ಲ ಲಾ

ಈರೆಗ್ ಬೆಂದ್‌ದ್ ಪೋವೊಡಾಂಡೇ ಓ ಮಾಯಿಲೇ ಪದ್ದೇಯಿ ಮಲ್ಪಾಯೆನಾ

ಪದ್ದೇಯಿ ಮಲ್ಪಾಯೆನಾ ಓ ಮಾಯಿಲೇ ಪೊಂಡಂಚ ಬರುವೆನಯಾ

ಓ ಬೊಳ್ಳನ ನನಾಂಡಲಾ ಓ ಮಾಯಿಲೇ ಐತ ಸಿಂಗಾರ ಮಲ್ಪುವೆನಾ

ಓ ಇತ್ತೆಲಾ ಏರು ಬರ್ಪುಂಡುಯಾ ಓಉಲ್ಲಾಯೆ ಲೆಪ್ಪುಲುಲ್ಲಯೆ ಬರ್ಪೆರ್ಯಾ

ಓ ಲೆಪ್ಪುಲುಲ್ಲಯಾ ಬನ್ನಾಗಾಲಾ ಓ ಮಾಯಿಲೇ ಬೇಗ ಬರ್ ಕಂಜಿಲಾ

ಮರಯಿಡರ್ಕಂಜಿ ಮೈತೊಂಡೆನಾ ಓ ಮಾಯಿಲೇ ಪುಲ್ಲುಪಂತಿ ಮೆರ್ಕೊಂಡೆಯಾ

ಪುಲ್ಲುಪಂತಿ ಮೆರ್ಕೊಂಡೆಯಾ ಓ ಮಾಯಿಲೇ ಪೊಂಡಂಚ ಪಾಡೊಂಡೆನಾ

ಓನಮ್ಮ ಬೊಳ್ಳಗ್ ನನಾಂಡಲಾ ಓ ಕಂಬುಳಾಗ್ ಜಪ್ಪೊಂಡು ಪಂಡ್ ಲಯಾ

ಓ ದೆಪ್ಪುಲುಲ್ಲಾಯಾ ಪನ್ಪೆರ್ ಯಾ ಓ ಲಾಯಿಡಾ ಮಾಯಿಲಾಡ ಕೆನೊಡುಯಾ

ಓ ಲೆಪ್ಪುಲುಲ್ಲಯಾ3 ಬನ್ನಾಗಾಲಾ ಓ ಲಾಯಿಡಾ ಕಿದೆಬರಿಟ್ ಪೋವೊಂಡೆನಾ

ಕಿದೆಬರಿಟ್ ಪೋವೊಂಡೆನಾ ಓ ಮಾಯಿಲೇ ಬೊಳ್ಳಗ್ ಪೊವೊಂಡೆಲಾ

ಏರು ಬನ್ನಾಗಾ ಓ ಮಾಯಿಲೇ ಎರು ಜಪ್ಪುನಾಗಾ

ಓ ನಮ್ಮ ಬೊಳ್ಳಗ್ ಜಪ್ಪಾವೊಡು ಓ ದೆಪ್ಪುಲುಲ್ಲಾಯ ಒಂಜಾಂಡ ಪಂಡೊಂಡಲಾ

ಓ ದೆಪ್ಪುಲುಲ್ಲಾಯ ಪನ್ನಾಗಲಾ ಓ ಮಾಯಿಲೇ ಕಂಡೊಗ್ ಜಪ್ಪಾವಂದೇ

ಓ ಅವುಲು ಕೇಂಡಾನಗಾ ಓ ಅಲ್ಪ ಜಪ್ಪಾನಗಾ ಓ ಮಾಯಿಲೇ ಸ್ವರ ನನ ಕೋರೋಂಡೆನಾ

ಓ ನಮ್ಮ ಬೊಳ್ಳ ಮೆಲ್ಲೆರಿಪೊವೊಡು ಓ ಮಾಯಿಲ ನಮ್ಮ ಬೊಳ್ಳ ಮೆಲ್ಲೆರಿಪೊವೊಡು

ಹೊಹೊ ಹೊ ಹೊ ಓ ಓ ಓ